作曲 : Christopher Juul/Maria Franz/Kai Uwe Faust

Fé vældr frænda róge;

fóðesk ulfr í skóge.

Úr er af illu jarne;

opt løypr ræinn á hjarne.

Þurs vældr kvinna kvillu;

kátr værðr fár af illu.

Óss er flæstra færða

för; en skalpr er sværða.

Ræið kvæða rossom væsta;

Reginn sló sværðet bæzta.

Kaun er barna bölvan;

böl gørver mánn fölvan.

Hagall er kaldastr korna;

Kristr skóp hæimenn forna.

Nauðr gerer næppa koste;

nøktan kælr í froste.

Ís köllum brú bræiða;

blindan þarf at læiða.

Ár er gumna góðe;

get ek at örr var Fróðe.

Sól er landa ljóme;

lúti ek helgum dóme.

Týr er æinendr ása;

opt værðr smiðr at blása.

Bjarkan er lavgrønstr líma;

Loki bar flærðar tíma.

Maðr er moldar auki;

mikil er græip á hauki.

Lögr er, er fællr ór fjalle

foss; en gull ero nosser.

Ýr er vetrgrønstr víða;

vant er, er brennr, at svíða.