ཟླ་འོད་འོག་གི་དྲན་གདུང་།
གཞས་ཚིག འཇུ་ཐུབ་བསྟན་བཀྲ་ཤིས།
གཞས་དབྱངས། རྫོགས་ཆེན་བསྟན་འཛིན།
གཞས་མ། ཁམས་སྐྱིད་མཚོ།
ནམ་མཁའི་སྤྱན་མིག་ཕྱེས་སོང་།།
སྤྲིན་པ་མཁའ་ནས་དེངས་སོང་།།
ཆུ་སྟོད་ཟླ་བ་དཀར་པོ།།
སྒེའུ་ཁུང་ནང་ནས་ཤར་བྱུང་།།
ཆུ་སྟོད་ཟླ་བ་དཀར་པོ།།
སྒེའུ་ཁུང་ནང་ནས་ཤར་དུས།།
ང་ཡི་མིག་གི་མཐའ་ལ།།
དྲན་པའི་མཆི་མ་འཁོར་བྱུང་།།
དྲན་པའི་མཆི་མ་འཁོར་བྱུང་སེམས་ཀྱི་བྱམས་པ།།
མཇལ་བའི་སྨོན་ལམ་བཏབ་ཡོད་ཡིད་ཀྱི་དྲན་པ།།
-
ཆུ་ཡི་ཆུ་རིས་ཤིག་ཤིག །
རླུང་བུའི་འཁོར་ཕྱོགས་ཡིན་འདུག།
དྲན་པའི་རླབས་ཕྲེང་གཡོ་བ།།
ས་ཐག་རིང་ནས་ཡིན་འདུག།
ཆུ་བོ་ཤང་ཤང་ཞིག་ལ།།
དྲན་པའི་ཡིག་ཆུང་བསྐུར་ཡོད།།
དྲན་པའི་ཡིག་ཆུང་ནང་ལ།།
སྙིང་གི་ཚིག་གསུམ་བྲིས་ཡོད།།
དྲན་པའི་ཡིག་ཆུང་བསྐུར་ཡོད་སྙིང་གི་བྱམས་པ།།
བརྩེ་བའི་ཕྱག་གིས་ལོངས་དང་ཡིད་ཀྱི་དྲན་པ།།
དྲན་པའི་ཡིག་ཆུང་ནང་ལ།།
]སྙིང་གི་ཚིག་གསུམ་བྲིས་ཡོད།།
དྲན་པའི་ཡིག་ཆུང་བསྐུར་ཡོད་སྙིང་གི་བྱམས་པ།།
བརྩེ་བའི་ཕྱག་གིས་ལོངས་དང་ཡིད་ཀྱི་དྲན་པ།།
བརྩེ་བའི་ཕྱག་གིས་ལོངས་དང་ཡིད་ཀྱི་དྲན་པ།།