Tá bliain nó níos mó agam ag éisteacht

Le cogar doilíosach mo mheoin

Ó casadh liom grá geal mo chléibhe

Tráthnóna breá gréine san fhómhar

Bhí an bhó bhainne chumhra ag géimneach

Is na h-éanlaith go meidhreach ag ceol

Is ar bhruach an tsrutháin ar leathaobh dhom

Bhí cailín deas crúite na mbó

Tá a súile mar lonradh na gréine

Ag scaipeadh trí spéartha gan cheo

'S is deirge a grua ná na caora

Ar lasadh measc craobha na gcnó